20Fashilay_336724588.jpg

22/8/11sii aqri

Wax ayna ahaayeen dagaaladaasi kuwa leh wijiyaal iyo aragtiyo kala duwan oo xilli walba aan ku qiimeyn jirnay, inkastoo mida haatan dalka uu ku jiro ay tahay mid aanan waligeed la ilaabi Karin horayna loo arag.

Hogaamiye kooxeedyo dadka sida ay doonaan ka sameyn jiray ayuu dalka soomaray waxaana Fadliga Eebbe ay wada raaceen dhamaantooda daadkii Eebe.

hore wax soo dhaaf …. !!! waxaa soo baxay kooxo badan oo markaasi u iyana ekaa kuwa ka gadisay muuqaal ahaan iyo waliba aragti ahaan kooxihii ka horeeyay waxaana hormuud u ahaan Maxaakiimta Islaamiga oo mar qur' ah dalka kasoo ifbaxay ayadoona dadka intooda badan ay amaaneen hadana waxaa jira qaladaad aad u badan oo ay ka galeen dadka iyo waliba dalka ayadoona jawaabtii ka soo baxday la wada arkay xiliyo badan oo aan soo dhaafnay oo waxa ay dalka ka carareen maalin cad ka dib markii arkeen in awooda intaas ka dib aysan u babac dhigi Karin ciidamo Ethiopian ah oo xiligaas dalka lagu soo aruuriyay.

Kala jabkii Maxaakiimta!!! waxaa ka abuurmay Alshabaab!!!

Dagaalka ka socday dalka waxa uu galay heerar kala duwan waxaana dhacday in ciidamada Ethiopian ay la dagaalami jireen koox magaca Alshabab wadata iyo waliba Maxaakiimta,…….!!!! Markii dagaalo loogu magac daray kudhufoo ka dhaqaaq ay kasii socdeen dalka durba Maxkamadihii waxa ay heshiis dhow la gaareen Dowladii xiligaasi waxaana banaan cad kusoo dhacay Alshabaab oo xiligaasi ku taameysay in ay la wareegto hogaanka mucaaradka oo in muda ah dhulka iskula dhaceysay dhiig badana u daadiyay.

Waxaa dhacay dagaal aan loo aabayeelin Diinta Islaamka oo waxaa mudo 10-cisho uu dagaal ka soconaya Muqdisho kaa oo u dhaxeyay Shabaab & Maxaakiimta oo ugu danbeyntii kusoo idlaaday in Shabab ay la wareegeen gobo badan oo ay horay ugu sugneed Dowladii xiligiisa ka jirtay Somalia.

Awooda Alshabaab!

Xooga Kooxda Alshabaab ayaa wixii markaa ka danbeeyay waxa ay aheyd mid sii laba jibaarta dagaalada ayadoona deegaano badan oo ay ku sugnaayeen ciidamada DKMG Somalia ee xiligaasi ay si xoog ah kula wareegtay waxaana ka mid ahaa Gobolada dhexe iyo waliba gobolo badan oo ay Dowlada xiligaasi awood buuxda ay ku leheed oo ay ka mid tahay Baay & Bakool.

Shabaab waxa ay aruursadeen caruuro badan ayagoo xiligaasi ay la jalbeysnaayeen caruurtaasi waxa ka soconaya magaalada Muqdisho gaar ahaan dagaalada oo looga sheekeeyay in Janadaba ay taalo magaalada Muqdisho waxaana ka dhashay in hooyooyin badan ay ku caruur waayaan dagaalo badan oo lagu riiqmay oo ka dhacay Muqdisho oo xitaa aanan loo sheegin caruurtooda meesha lagu xabaalay ka dib markii lagu laayay dagaalada.

Guulaha Shabaab iyo dagaaladii ka dhici jiray Xamar

In kastoo dagaalada Shabaab ay ku qaadi jireen fadhiisimaha ciidamada DKMG Somalia iyo kuwa AMISOM ay ahaan kuwa aanan guulo badan ka gaari jirin hadana waxaa jira in dagaalada qaarkood ay Shabaab marmar ku qaadi jireen dagaalada loo yaqaano kudhufoo ka dhaqaaq oo ay qasaarooyin ugu geysan jiraan Dowlada KMG Somlia iyo waliba AMISOM balse dagaaladaasi ayaa ah mid ay kaga awood roonaayeen dhanka Media oo ay u adeegsanjireen qalab warbaahino badan oo ay Soomaali ka dhaceen Kooxdaasi.

Labo Radio Station iyo waliba ilaa dhowr website oo ay ku faafsan jireen kooxdaasi codkooda ayaa ahaa kuwa ay ka dhaceyn Soomaali ganacsata ah bale kooxda ayaa aheyd mudooyinkii ugu danbeeyay mid sii wiiqmeysay awood ahaan iyo waliba dhaqaale ahaan ka dib markii 6-dii bilood ee ugu danbeeyay dagaalo xidhiidh ah lagu qaaday oo weerarka uu ku badnaa dhanka Shabab in lagu soo qaado.

Fashilka Shabaab iyo dagaalada Muqdisho

Dagaalada Muqdisho ka soconay ayaa ahaa kuwa maalin walba sii xoogeesta ayadoona ay u sii dheertahay dhaqaala la'aan iyo khilaaf xoogan oo soo kala dhaxgalay hogaanka sare ee Shabaab waaana mida keentay in Shabaab ay ku fashilmaan dagaalada ka soconaya Muqdisho maalmihii ugu danbeeyayna keentayna in gabi ahaan ay ka cararaan dalka Somalia sababo badan oo xiligaan jira.

Firxadka kooxdaasi ayaa la aaminsanyahay in uu ka danbeeyay khilaafka soo kala dhaxgalay hogaanka sare ee Kooxda iyo waliba dhaqaalo xumo soo foodsaartay mudooyinkii ugu danbeeyay kooxdaasi oo ay xitaa waayeen in gurmad ay ku keenaan magaalada Muqdsiho.

Dagaaladii bisha Ramadaanka ayaa ahaa mid gabi ahaan Shabaabka ay ku wada fashilmeen kuna go'een marka loo eego dhaqaalo iyo ciidan ahaan waxa ayna ugu danbeyntii ku fashilmeen in ay sii wadaan dagaaladaasi taa oo ay xitaa dareensanaayeen ciidanka dagaalka ku jira in wax un uu jiro.

Maxaa xiga firxadkaasi ka dib? Shabaab halkuu afka aadiyay????

Dadka Soomaalida ah ee ku dhaqan dalka iyo waliba dibadiisa ayaa intooda badan ka wardhowrayay mudooyinkii ugu danbeeyay fashilka haatan ku yimid kooxda ee sida arxan darada dadka u gowrici jiray ayadoona aysan jirin maanta cid si toos ah u taageerdan xitaa kii taageero maalin ayaa lagu keenayaa ayadoona isaga ama ehelkiisa qudha laga jarayo ayadoona loogu marmarsiyoonayay in dhanka Dowlada ugu yaraan uu aaday ama ehelka ay aadeen.

Kooxda ayaa maanta ayaa gabi ahaan faarujiyay Muqdisho iyo gobolo badan oo dalka ku yaala 06- August 6, 2011 ka dib markii ay arkeen in wax maslaxa ah aysan ugu jirin dagaaladaasi maalin walba ka sii soconaya dalka waxaana lagu wadaa in markaan wixii ka danbeeyay ay kooxda ku taameyso in ugu yaraan ay dhibaatooyin u geystay dhanka dowlada iyo AMISOM ee dalka ku haray ayagoona u adeegsan doon qaabab kala duwan:
 

1. Dagaal ku dhufoo ka dhaqaaq
2. Miina aasid
3. Bartilmaamsi Shaqsiyaad loo arko in ay la shaqeeyaan Dowlada ama taageera
4. Bambo tuurow oo awalba caado u aheyd
5. Iyo dhaqaalaha Soomaalida oo ay dhuunta u galaan

Kooxada Alshabab ayaa la rumeysanyahay in ay ku dhisinyihiin fikiro horay looga saxiixay hogaanka sare ee Al-Qaacida ayadoona kooxda ay tahay mid laf cad toobin ku heysay mudii ay dhisneed waxana laga yaabaa in kooxda ay la soo baxdo qaabab kale oo ka gadisan kii hore maadaama la rumeysanyahay in hogaanka uu wali isku fakir ka wada aheyn arimo badan.

Cali dheer, Abu mansuur waa la isku tiriyaa Fu'aad Shongole iyo amiirka kooxda iyana waxaa la rumeysanyahay in ay isku fakir yihiin taa oo la rumeysanyahay in khilaafka kooxda uu kasoo bilowday.

Warar hoosa aan helayana waxaan ku soo ogaaday in khilaafka kooxda in uu keenay in si aan loo wada dhameyn loogu dhawaaqay in dalka ay soo galaan Hey'adaha gargaarka oo ay horay u diideen in ay ka shaqeeyaan waana mida ka danbeysa in khilaafka uu gaaro heer la kala qaato ciidamada oo markii hore lagu soo xulay qaab Qabiil.

Waxaana jira bililiqo ba'an oo ay kooxda ka geystay guud ahaan deegaanadii ay maamuleysay ayadoona dadka reer Muqdisho wali ay damaashaad ka dhigayaan aqalooda ducada iyo Alla bariga.

warakaan waa ka madax banaan yahay maamulka ceelbuur state.